१८ चैत्र, बाँके । शौभाग्य शाह फाउण्डेसनको पहल तथा काइन्डर लाइफ नेपालको आर्थिक सहयोगमा विद्यालय पुनःनिर्माणका लागि सहयोग गरिएको छ ।
बाँकेको बैजनाथ गाँउपालिका वडा नं. १ गाभर स्थित श्री रारा माध्यमिक विद्यालयको पुनःनिर्माणका लागि १३ लाख सहयोग एवं विद्यार्थीहरुलाई खेलकुदका सामाग्री वितरण गरिएको हो । बिद्यालयको ३ वटा भवनमा जस्तापाता फेर्नुका साथै भवनहरु रंगरोगन गरिएको छ।
Advertisement
सो अवसरमा अभिभावक भेला र उत्कृष्ट अंक ल्याउने तथा अनुशासित विद्यार्थीहरुलाई प्रमाणपत्र, व्याग, खेलकुद सामाग्री समेत हस्तान्तरण गरिएको थियो ।
कार्यक्रमका प्रमुख अतिथि बैजनाथ गाँउपालिका वडा नं. १ का अध्यक्ष रुप बहादुर मल्लले सहयोगी संस्थालाई धन्यवाद ज्ञापन गर्दै आगामी दिनहरुमा समेत सहयोगको अपेक्षा गरेका छन् । उनले स्थानीय तहको लगानीले मात्रै शिक्षा क्षेत्रको विकास सम्भव नभएको बताउँदै अन्य संघसंस्थाहरुको योगदानको समेत खाचो रहेको बताए ।
Advertisement
फाउन्डेसनका अध्यक्ष अनुप विक्रम शाहले डा. शौभाग्य शाहको देहान्त पछि उनले गरेको योगदानको कदर स्वरुप शिक्षा, सामाजिक, स्वास्थ्य तथा वातावरण क्षेत्रमा काम गरिरहेको बताए । यस अघि पनि यस फाउन्डेसनले विभिन्न विद्यालयहरुमा सहयोग गर्दै आएको जानकारी गराए ।
रारा माविमा भवन भएपनि टिनको छानोले गर्दा वर्खामा पानी चुहिने र अत्याधिक गर्मीमा विद्यार्थीलाई पढ्न नसक्ने वातावरणका कारण यस विद्यालयलाई सहयोग गरिएको अध्यक्ष शाहले बताउँछन् ।
Advertisement
टिप्पणीहरू